Nobel Mükafatı Laureatı professor Svyatoslav Timaşev Milli Məclisin komitə sədri, deputat Sadiq Qurbanovun Heydər Əliyevin həyat və fəaliyyətindən bəhs edən, Dövlət Mükafatına təqdim olunmuş elmi əsərindən xüsusi qeydlər götürüb.

Ednews “AzPolitika”ya istinadən həmin qeydləri təqdim edir:

Bu gün Azərbaycan çoxşaxəli diplomatik əlaqələrə malikdir, ən nüfuzlu beynəlxalq təşkilatların, birliklərin, iqtisadi və maliyyə qurumlarının üzvüdür. Beynəlxalq təşkilatlara üzv olmaq, onlarla iş aparmaq, Azərbaycan həqiqətlərini dünyaya çatdırmaq və Azərbaycanın problemlərini həll etmək sahəsində böyük əhəmiyyət kəsb edir. Azərbaycan müstəqilliyə qovuşduqdan sonra Rusiya ilə əməkdaşlığın inkişafına da həmişə böyük əhəmiyyət vermişdir. İki ölkə arasında dostluq əlaqələrinin möhkəmlənməsində Ümummilli lider Heydər Əliyevin xüsusi rolu və xidmətləri olmuşdur. Məhz onun səyləri ilə bu əlaqələr dostluq və strateji tərəfdaşlıq səviyyəsinə yüksəlmişdir. Heydər Əliyevin Rusiyanın Qərbin və Şərqin böyük sivilizasiyalarını özündə təcəssüm etdirən və dünya siyasətində nadir rol oynayan bir ölkə olması haqqında söylədiyi fikir Azərbaycanın xarici siyasətində Rusiyanın rolunu və yerini son dərəcə aydın müəyyən edir. Bu gün Azərbaycan Cənubi Qafqazda Rusiya ilə bərabərhüquqlu münasibətlər sistemi yaratmağa nail olmuş yeganə dövlətdir.

Rusiya ilə qarşılıqlı faydalı münasibətlərin inkişaf etdirilməsi bölgədə sabitliyin və təhlükəsizliyin təmin olunması baxımından mühüm əhəmiyyət kəsb edir. İqtisadi, siyasi və hərbi potensial baxımından beynəlxalq münasibətlər sistemində xüsusi yeri olan Rusiya Federasiyası ilə qarşılıqlı faydalı əməkdaşlığı genişləndirmək, keçmiş Sovet İttifaqı dövründən mövcud olan çoxşaxəli əlaqələri müasir geosiyasi gerçəkliklərə nəzərən inkişaf etdirmək rəsmi Rusiya və Bakının xarici siyasətində vacib məsələlərdən biri kimi nəzərdən keçirilir.

Moskva ilə Bakı arasında çox möhkəm siyasi və iqtisadi əlaqələr mövcuddur. Bu günlərdə Rusiya dövlət başçısı Vladimir Putinin Azərbaycan Prezidenti İlham Əliyevlə görüşündə dediyi sözləri xatırlatmaq istərdim: “Heydər Əliyev bütün Sovet İttifaqı üçün əhəmiyyətli olan möhtəşəm layihənin təşkilatçılarından biri idi”, və ya “Atanızın layihənin həyata keçirilməsinə sərf etdiyi bütün səylər, zəhmətlər, illər bu gün də mühüm rol oynayır”. Bu o deməkdir ki, hələ görüləcək çox işlər var. Heydər Əliyev şəxsiyyəti hələ uzun illər Rusiya – Azərbaycan münasibətlərində mühüm rol oynayacaqdır.

H.Əliyev şəxsiyyətinin araşdırılması və tədqiqi bu istiqamətdə çox vacib amillərdən biridir. Dos. Sadiq Qurbanovun “Zamana Sığmayan Lider: İdarəçilik və varislik fəlsəfəsi” elmi monoqrafiyası bu istiqamətdə samballı bir əsərdir. İngilis dilində yazılmış bu kitabı böyük həvəs və maraqla oxumuşdum və özüm üçün xüsusi qeydlər götürmüşdüm. İnternet resurslarından bu kitabın Azərbaycanda Dövlət Mükafatına təqdim olunduğunu gördüm, sevindim və bu addımı yüksək qiymətləndirir və alqışlayıram.

Müəllifə uğurlar arzulayıram!